काठमाडौंको गोठाटारमा काठ गोदाममा आगलागी, नियन्त्रणको प्रयास जारी

काठमाडौं: काठमाडौंको गोठाटारस्थित एक काठ गोदाममा शनिबार राति आगलागी भएको छ। जिल्ला प्रहरी परिसर काठमाडौंका एसएसपी दिलिप घिमिरेका अनुसार राति करिब ९:३० बजेबाट उक्त काठ गोदाममा आगलागी भएको छ । लागेको आगो निभाउन दमकल, प्रहरी र स्थानीयवासी परिचालन भएका छन्।

प्रहरीका अनुसार आगो अहिले नियन्त्रणको चरणमा पुगेको छ। आगलागीको कारण भने हालसम्म खुल्न सकेको छैन। घटनाबारे थप विवरण आउन बाँकी रहेको प्रहरीले जनाएको छ।

ADVERTISEMENT