रास्वपा महाधिवेशन : पदाधिकारीको मतदान सकिएपछि विवाद, मत हाल्न पाउनुपर्ने भन्दै प्रतिनिधिको दबाब

काठमाडौँ : चितवनमा जारी राष्ट्रिय स्वतन्त्र पार्टी (रास्वपा) को प्रथम राष्ट्रिय महाधिवेशनअन्तर्गत पदाधिकारी निर्वाचनमा मतदानको अन्तिम चरणमा विवाद देखिएको छ।

मतदानका लागि तोकिएको समय सकिएर मतदानस्थलको ढोका बन्द भएपछि एक समूह प्रतिनिधिले आफूहरूलाई पनि मतदान गर्न दिनुपर्ने भन्दै दबाब दिएका छन्।

ADVERTISEMENT

यसबिच, केन्द्रीय निर्वाचन आयोगले टाढाबाट आएका प्रतिनिधिहरूलाई मध्यनजर गर्दै मतदान समय ३० मिनेट थप गरिएको जनाएको छ। आयोगका अनुसार थपिएको समयभित्र मतदानस्थलको हलभित्र रहेका प्रतिनिधिलाई मात्र मतदानको अवसर दिइनेछ।

निर्वाचन आयोगले मतदान प्रक्रियामा सहभागी हुनका लागि भौचर भरिसकेका प्रतिनिधिलाई दुई मिनेटभित्र आवश्यक प्रक्रिया पूरा गर्न आग्रह गरेको छ।

आयोगका अनुसार पदाधिकारीको मतदानमा १२/१३ सयको हाराहारीमा मत खसेको छ ।