आर्थिक वर्षको संघारमा कर्मचारी सरुवा गर्ने चलखेल, पुर्व अर्थमन्त्री यादवको आपत्ती

जनकपुरधाम : मधेश प्रदेश सरकारले आर्थिक वर्षको अन्तिममा कर्मचारी सरुवा गर्न लागेको विषयमा पुर्व अर्थमन्त्री महेशप्रसाद यादवले आपत्ती जनाएका छन् ।

आइतबार मधेश प्रदेश सभामा उनले आपत्ती जनाएका हुन् ।

ADVERTISEMENT

‘सप्तारीको राजविराज सामाजिक इकाई कार्यालयका प्रमुख फेरिने खबर सुनिरहेको छ । समबन्धित मन्त्रालयका मन्त्रीले फेर्न थालेका छन्,’उनले भने,‘यसमा सरकार प्रमुखको ध्यानकषर्ण गराउन चाहन्छु । आर्थिक वर्षको अन्तिम चरणमा कर्मचारीहरुलाई नचालइयोस । यो हास्यास्पद हुन सक्छ । अनियमितताको गन्ध दिन सक्छ ।’

स्रोतका अनुसार खेलकुद तथा समाज कल्याण मन्त्री लखन दास तत्माले मुख्यमन्त्री कार्यालय दबाब सिजर्ना गरेर कर्मचारी सरुवा गराउन लागेको आरोप लागेको छ ।

कर्मचारी सरुवा गरेर इच्छाएको कर्मचारी पठाएर अनियमितता गर्ने प्रयास गरेको आशंकासमेत गरिएको छ ।