रक्षा बन्धन

राखी के धागा में भाई–बहिन के प्यार
जल्दी से आ जा न बहिन, तोरे इंतजार,
सबके बहिन आइलासे, घर भइल जगमग,
तोरा नै देखली त मन भइल बढ़ अलमल।

कहाँ भइलौ कमी से, तू रूईश रहले गे,
कहाँ लेबे भाई से, बाज हमर बहिन गे।
तोरे से राखी बनबाके चलते हम,
लौट आइलियौ छोड़के विदेश गे।

ADVERTISEMENT

आजियो के दिन में हमर हाथ लगै हौ सुनाह गे,
कह न गे बहिन, कि भेलै? हमरासे गुनाह गे।
धन–सम्पत्ति से नइ, जानो से करबौ प्रवाह गे,
सोना–चानी नइ त, सारीओ से करबौ बिदाह गे।

तुहीं छै ई भाई के मान, तुहीं सब सम्मान गे,
तोरे से बनल ई भाई के जीवन के अरमान गे।
राखी के धागा में बहिन के हरदम प्यार गे,
जल्दी से आ जा न, इंतजार नइ कर बहिन गे।

तोहर खुशी में हमर प्राण हरदम बैठल हउ,
घटी–कुघटी जे भेल हउ, ओकरा तू जउन बिसइर गे।
तोरा बिना नइ सोहावै हे ई पर्व–त्योहार गे,
तोरा बिना उदास लागे, हम्मर रक्षा बन्धन गे।