राजविराज–१० को कांग्रेस सभापतिमा गजेन्द्र प्रसाद सुनरैत सर्वसम्मत

राजविराज : नेपाली कांग्रेसको १५ औँ वडा अधिवेशनअन्तर्गत राजविराज नगरपालिका–१० को वडा अधिवेशनबाट गजेन्द्र प्रसाद सुनरैत यादव सभापतिमा सर्वसम्मत चयन भएका छन्।

वडा अधिवेशनले यादवको सभापतित्वमा ९ सदस्यीय वडा कार्यसमिति सर्वसम्मत चयन गरेको हो। अधिवेशनबाट २१ जना क्षेत्रीय प्रतिनिधिसमेत सर्वसम्मत चयन भएका छन्।

ADVERTISEMENT

नवनिर्वाचित कार्यसमितिको उपसभापतिमा सरिता देवी खंग र शिव नारायण यादव चयन भएका छन्। त्यस्तै, सचिवमा विष्णुदेव यादव र सहसचिवमा बहादुर खत्वे चयन भएका छन्।

सदस्यहरूमा विष्णुनदेव खंग खत्वे, घुरण सदा, विष्णुनदेव खंग र लक्ष्मी देवी खंग चयन भएका छन्।

अधिवेशनबाट सर्वसम्मत नेतृत्व चयन भएपछि वडा संगठनलाई थप व्यवस्थित र सुदृढ बनाउँदै पार्टीका आगामी गतिविधिमा सक्रिय भूमिका निर्वाह गर्ने प्रतिबद्धता व्यक्त गरिएको छ।

नवनिर्वाचित कार्यसमितिले संगठन विस्तार, पार्टीका गतिविधिलाई प्रभावकारी बनाउने तथा आगामी महाधिवेशनमा सक्रिय भूमिका निर्वाह गर्ने जनाएको छ।