गौर काण्डको अनुसन्धान गर्न सर्वोच्चको आदेशले जसपा आन्दोलित, जनकपुरधाममा प्रदर्शन

जनकपुरधाम : गौर हत्याकाण्डमा जनता समाजवादी पार्टी (जसपा) नेपालका अध्यक्ष उपेन्द्र यादवविरुद्ध अनुसन्धान गर्न सर्वोच्च अदालतले आदेश दिएपछि जसपा कार्यकर्ताहरू विरोधमा उत्रिएका छन्।

सोमबार जनकपुरधामको रामानन्द चौकमा आयोजित प्रदर्शनमा सहभागी कार्यकर्ताहरूले ‘उपेन्द्र यादव無यो राजनीतिक षड्यन्त्र हो’, ‘सर्वोच्चको आदेश खारेज गर’ लगायतका नाराबाजी गरेका थिए। उनीहरूले यादवविरोधी निर्णय राजनीतिक पूर्वाग्रही भन्दै तत्काल फिर्ता लिन माग गरेका छन्।

ADVERTISEMENT

जसपाका स्थानीय नेता तथा कार्यकर्ताहरूले सडकमा उत्रिएर सर्वोच्च अदालतको आदेश लोकतन्त्र विरोधी रहेको आरोप लगाए। प्रदर्शनको क्रममा यादवलाई फसाउन खोजिएको भन्दै उनीहरूले अनुसन्धान प्रक्रिया खारेज नभए थप कडा आन्दोलन गर्ने चेतावनीसमेत दिएका छन्।

रौतहटको गौरमा २०६४ साल चैत्र २ गते भएको घटनामा २७ जनाको ज्यान गएको थियो। सो घटनाका प्रमुख अभियुक्तका रुपमा उपेन्द्र यादवको नाम पुनः अनुसन्धान सूचीमा राखिएको छ।